Kan nitin nunah mobile phone kan hmang nasa ve ta hle mai. Tangkai leh remhre tak a hmang an awm laiin, a then chuan inbiakna leh hla ngaihthlakna bakah kan hmang lem lo a. Kan phone neih a zirin data leh file tam tak kan dah lut thei tih chu kan hre theuh ang. Computer ang thoin apps leh softwares awmsa lo tangkai tak tak a dah theuh theih a. Symbian Operating System (OS) hmang ho tan deuh bik a tangkai zual tawi te tein lo sawi dawn theh ang.
(1). F- Eplorer : Password nen thlap i phone chhunga thil awm kha i hide (thup) thei ang. Tin, softwares leh games thawn chhuahnan a tha .
(2). Total Recall, Call Recorder : Incoming leh outgoing call kha background ah automatic in ri bengchheng awm miah lovin a lo record char char ang, i duh hunah i la ngaithla leh thei dawn a ni .
(3). SMS Timer, SMS Scheduler, SMS planner : Hei hi a tha khawp mai, a hming atang hian a hriat thiam nghal mai a. I sms thawn duh hun darkar, minute leh i thawn duh zat nen lam i set theihna a ni. A hun takah khawih buai ngai lovin a lo tawh mai dawn a ni.
(4). Profimail : File editing, copy, paste, email khawih vel nan a tha a, softwares leh games thawn nan a remchang khawp mai.
(5). Net Front, Skyfire : Internet khawihna browser hi duh thlan tur tam tak a awm a, a chunga kan sawi pahnih te khi an tha viau a. Opera mini v 6.1 hi hman a nuam viau bawk a version hrang hrang download tur a awm. UC Browser v7.8 hi thil download nan duhthusam a ni e.
(6). Ultra Mp3, Ogg Player, Smart Movie : Player changkang hman nuam leh skin mawi tak tak nen a hla play na a ni. TTpot hi mp3 leh wav file play nan a tha bawk a, skin nalh tak tak a nei. Coreplayer leh Smart Movie te hi video en nan a tha bawk. File format lar thenkhat 3gp, mp4, mkv, mpg, avi te a play thei.
(7). Call Cheater : Kan biak peih loh kan nin deuh zawng ten a min lo call a, ri bengchheng tak tak lo ngaihthlak tir nan a tha, call a lo chhang thei bawk.
(8). Blackbeller : I contact list a mi leh unknown phone number ( i list a awm lo) ho SMS / MMS / Call lo block na tha tak a ni.
Heng bakah Scientific Calculator,Expenses, Shopping Calendar, Dictionaries chi hrang hrang te sawi tur a tam mai. A hnuai a websites ah te hian mobile softwares leh apps i mamawh chu i hmu thei deuh vek ang : -
No comments:
Post a Comment